Mi dicinu ca sugnu menzu pazzu

Mi dicinu ca sugnu menzu pazzu
Picchi pinzannu a tia
lu tempu appizzu. Ca iu nascivu nno 'n cannizzu
E tu nascisti mmenzu o lussu.
E mi dicinu ca sugnu pazzu a tunnu..
 Quannu ca ti vogghiu bbeni e ti pritennu,
Ca iu nascivu lariu nna stu munnu
E tu si senza peccu e senza mennu.
E iu ci dicu sì, sugnu foddi!
Ma la curpa è sulu di st'ucchiuzzi beddi.
Ca mmentri sapi DDiu unn'è ca coddi,
Io t'haiu sempri dintra li me vavareddi.
E cci dicu ca puru la luna avilla nun si po', è cosa rara!
Eppuru li genti l'amanu a lu scuru Comu iu c'aduru a tia, 'ncapu a n'artaru.
da Centona Martoglio